घटस्फोटाच्या विळख्यात भाग-२, शुभमंगल सावधान, विवाह समुपदेशक, मंगला मराठे यांचा लेख

महानगरात, उच्चशिक्षितांमध्ये प्रमाण जास्त का?

गेल्या पंचवीस तीस वर्षांमध्ये महानगरात कुटुंबाचे स्वरूप खूप बदलले. मुले आणि मुलीही उच्च शिक्षण घेऊ लागल्या, माध्यमांचा प्रसार झाला. जागतिकीकरणाने जग जवळ आले. शहरीकरण वाढले. प्रत्येक माणूस हे एक वेगळे युनिट झाले. आपले व्यक्तिमत्त्व, आपली विचारसरणी याचे प्रत्येकाला भान आले. घराघराच्याच नाही तर एकाच घरातल्या माणसांच्या जीवनशैलीतही विविधता आली. विविधतेबरोबर आवडणे-न आवडणे, पटणे-न पटणे आले.

लग्नानंतर दोन वेगवेगळ्या घरातील दोन माणसे एकत्र येतात तेव्हा हा फरक प्रकर्षाने जाणवतो. लग्नानंतर आयुष्य पहिल्यापेक्षा अधिक दु:खी, कष्टप्रद झाले तर आपली निवड चुकली. वाट चुकली तर विनाकारण पुढे जाता न रहाता मागे फिरावे. आयुष्यभर फरफटत रहाण्यापेक्षा एकदाच काय तो धक्का लागेल. पण मोकळे होता येईल. नवीन वेगळे आयुष्य सुरू करता येईल. या विचाराने घटस्फोटाचा निर्णय घेतात. हा विचार बरोबर आहे पण शेवटचा उपाय म्हणून. घटस्फोट ही सगळ्या आयुष्यावर परिणाम करणारी घटना आहे. पुरेसा विचार करून हा निर्णय घ्यायला हवा. नेमका तोच आज होतोय की नाही याची शंका येते.

लेखाचा उर्वरीत भाग वाचण्यासाठी भेट द्या चाफा सदर